मंगलबार संघले विज्ञप्ति जारी गर्दै डाक्टर तथा स्वास्थ्यकर्मीलाई हातपात गर्नेलाई बिना धरौटी जेल चलान गरेर कारबाही प्रक्रिया अगाडि बढाउन माग गरेको हो ।
संघद्वारा जारी विज्ञप्तिमा भनिएको छ, “स्वास्थ्य संस्थाको शान्तिपूर्ण वातावरणलाई आपराधिक क्रियाकलापका कारण बारम्बार असहजता प्रदान गर्ने घटनाक्रमले चिकित्सक तथा स्वास्थ्यकर्मीलाई मात्र नभई अन्य सर्वसाधारण नागरिकलाई समेत गम्भीर असर पुग्ने भएको हुँदा यस घटनामा संलग्न दोषीलाई तत्काल कानुनी दायराभित्र ल्याई कारबाही गर्न नेपाल चिकित्सक संघ, स्थानीय सरकार तथा सुरक्षा निकाय समक्ष जोडदार माग गर्दछ।”