इलाम, २९ असोजः इलामको सूर्योदय नगरपालिका १२ शान्तिगोलाईमा स्थापना भएको विंध्यावाशिनी ईकोब्रिक ईन्डष्ट्रिज यहि साउनको दोश्रो हप्ताबाट संचालनमा आएको छ । युवा व्यवसायी प्रमोद सापकोटाले ईको सेल नेपालसंगको सहकार्यमा स्थापना गरेको उद्योग ४० लाखको लगानीमा खुलेको जनाईएको छ । क्रसरको धुलो , बालुवा र सिमेन्टद्वारा निर्माण गरिने ईकोब्रिक इँटाभन्दा बलियो हुने संचालक सापकोटाले बताए । उत्पादन लागत समेत इंटाको तुलनामा कम लाग्ने भएकाले उपयोगी बन्ने सापकोटाको दाबी छ । उद्योग संचालनको क्रममा स्थानिय कच्चा पदार्थको समुचित प्रयोग गरिने बताईएको छ ।
सापकोटाका अनुसार उद्योगमानै गएर इकोब्रिक खरिद गरेमा सस्तो र सुलभ पनि हुने छ । इँटाको घर भन्दा इकोब्रिकले घर निर्माण गर्दा जनसक्ति पनि कम लाग्ने र लगानि पनि कम लाग्ने तथा ताप्क्रम तथा ध्वनि निरोधक पनि हुने उनको भनाई रहेको छ ।