माइजोगमाई, १८ कातिकः माइजोगमाई गाउँपालिकाको आफ्नै मेसिन (स्काभेटर) तथा बाटो बनाउने उपकरण हुदा पनि बाटो मर्मत नहुदा यात्रुले सास्ती भोग्नु परेको छ । इलाम देखि माइजोगमाइ गाउँपालिका ४/३ आरुबोटे हुँदै फिक्कल जोडने सडक मर्मत नहुदा एक घण्टामा पुगिने बाटो २ घण्टा ३० मिनेट लगाएर यात्रा गर्न बाध्य छन नाम्सालिङ्का जनता दैनिक १० देखि १२ वटा गाडिहरु फिक्कल इलाम गर्ने गरेका छन ।
आफ्नै गाउँपालिकामा मिसिन हुदा पनि दशै अगाडि नै मर्मत हुनुपर्ने बाटो तिहार सकिदा सम्म मर्मत नहुदा नाम्सालिङ्का बासिन्दा कस्टकर यात्रा गर्नु परेकोमा निकै आक्रोशित हुँदै गएका छन । बाटोका खाल्डाखुल्डीका कारण सुतकेरि ,बृद्ध र अशक्त बाटोमै बिरामी भएर गन्तव्य सम्म पुर्याउनै मुस्किल भएको गाडिका चालकहरु बताउछन् । गाउँपालिका अध्यक्ष जित बहादुर राईलाई गाउँपालिकाको अभिभावक नभइ एक व्याक्तिगत स्वार्थ भएका व्यक्ति भनेर स्थानीय बासिन्दाले आलोचना समेत गर्न थालेका छन्।