इलाम, ११ बैशाकः इलामको माङसेवुङमा रोजगारीको शिलसिलामा इलाम बाहिर रहेका युवाहरु लामो समयको लकडाउन भए पछि गाउँ फर्कने भए सँगै माङसेवुङ २ मा रहेको खाम्नुवा आधारभूत विद्यालयका १३ जना अटाउने क्वारेन्टाइन निर्माण गरिएको छ ।
धेरै लामो समय देखि कास्की लम्जुङ, बारा, धादिङ जिल्लामा काम गर्दै गरेका १३ जना युवाहरु भोली (शुक्रबार) गाउँ आई पुग्ने भने पछि आज क्वारेन्टाईन निर्माण गरिएको हो ।
स्थानीय युवाहरुको सक्रियतामा सो क्वारेन्टाईन निर्माण गरिएको हो । स्थानीय स्रोत र साधनको प्रयोग गरेर निर्माण गरिएको क्वारेन्टाईन निर्माण गरिएको स्थानीयले वताए । उनले भने जिल्ला वाहिरबाट आएका युवाहरुलाई क्वारेन्टाइनमा राखेर स्वास्थ्या परिक्षण गरेरमात्र परिवारसँग पठाइने छ ।
होम क्वारेन्टाइनमा राख्दा घरमा भएका वुढापाका तथा केटाकेटीहरुलाई गाह्रो हुने भएकाले विद्यालयको क्वरेन्टाइनमा राख्नु वढी सुरक्षित हुने पनि माङसेवुङ गाउँपालिका २ की महिला सदस्य राम मायाँ लिम्वुले वताईन ।