इलाममा एकैदिन ५६ जना कोरोना संक्रमित थपिए, संक्रमितको संख्या ३१० पुग्यो


इलाम, १ जेठः दोस्रो चरणको कोरोना संक्रमणले देशै भरी तिव्र रुपमा फैलिएको बेला इलाममा पनि आज थप ५६ जनामा कोरोण संक्रमण पुष्टी भएको छ । 

संक्रमित हुनेमा सवै भन्दा धेरै इलाम नगरपालिकामा ३८ जना थपिएका छन् जस्मा  २५ जना पुरुष १३ जना महिला, सूर्योदय नगरपालिकाका २ जना पुरुष २ जना महिला,  चुलाचुली गाउँपालिकामा ५ जना पुरुष ५ जना महिला,  रोङ गाउँपालिकामा १ जना महिला र फाकफोकथुम गाउँपालिकामा ३ जना पुरुष रहेका छन् ।

इलाममा हाल सम्म ३१० जनामा कोरोना सक्रमण भएको छ । सवै भन्दा धेरै कोरोना संक्रमण इलाम नगरपालिकामा भएको छ इलाम नगरपालिकामा ७४ महिला र ९५ पुरुष गरेर १६९ जना संक्रमित रहेका छन् । अहिले सम्म इलामको एक स्थानीय तह सन्दकपुर गाउँपालिका कोरोना कहरबाट सुरक्षित रहेको छ । 

इलाममा थप एकको मृत्यु

इलाममा आज थप एकजना पुरुषको मृत्यु भएको छ । मृत्यु हुनेमा इलाम नगरपालिका ९ का ३४ वर्षिय पुरुष रहेका छन् । इलाममा हाल सम्म कोरोना संक्रमणको कारण मृत्यु हुनेको संख्या ११ पुगेको छ  । मृत्यु हुनेमा चुलाचुली गाउँपालिकाका ३ जना, इलाम नगरपालिकाका ५ जना, देउमाइ नगरपालिकाका १ जना, सूर्योदय नगरपालिका १ जना र माइजोगमाइका १ जना रहेका छन् ।

यस्तै इलाममा कोराना संक्रमण मुक्तहुनेको संख्या २३ पुगेको छ ।  

प्रतिकृया दिनुहोस्

About Maipokhari news

माइपोखरी न्यूज डटकम सम्बाददाता