इलाम,११ फाल्गुनः जंगलमा जेव्रा झोलामा हालेर अंग अंग अलग गरी फालिएका झापाको दमकका दिनेश सिग्देललाई आफ्नै पत्नीले व्वाई फ्रेण्डसँग मिलेर हत्या गरेको खुलेको छ ।
गत फागुन ४ र ५ गते धरानस्थित आँपगाछी क्षेत्रको जंगलमा जेब्रा झोलाभित्र फेला परेको शवको पहिचान खुलेसँगै हत्यामा संलग्नलाई प्रहरीले पक्राउ गरी मंगलबार साँझ सार्वजनिक गरेको छ । हत्यामा संलग्न सिग्देलकी कान्छि श्रीमति अनिता केसी र उनका केटा साथी सरोज भण्डारी रहेको जिल्ला प्रहरी कार्यालय सुनसरीले बताएको छ ।
धरान–भेडेटार सडकखण्डमा पर्ने आँपगाछी क्षेत्रमा दुई दिनमा बीभत्स अवस्थामा जेब्रा झोलाभित्र फेला परेको शव पहिचान गर्न प्रहरीलाई एक हप्ता लागेको थियो । घटना स्थल वरपरि केहि प्रमाण नभेटिएपछि प्रहरीले अनुसन्धानको दायरालाई फराकिलो बनाउँदै मृतकको फेस स्केज गरेर सर्वसाधारणको सहयोग मागेको थियो ।
प्रहरीले मृतकसँग भएको फेस माक्समा बहराइनी कम्पनीको नाम भेटेपछि त्यसबाट अनुसन्धान प्रक्रियालाई मोडेको थियो । बहराइनमा रहेका दिनेशका साथीहरुले उनको पहिचान गरेपछि प्रहरीलाई हत्यारा सम्म जान सजिलो भयो । दुई वटी श्रीमति रहेका दिनेश शवको सनाखत भएसँगै मृतक सिग्देलकी कान्छी श्रीमती ३० वर्षीया अनिता केसी र २९ वर्षीय सरोज भण्डारीलाई प्रहरीले पक्राउ गरी सार्वजनिक गरेको छ ।
सुनसरीको बराहक्षेत्र १० प्रकाशपुर घर भई स्थायी इलाम घर भएपनि हाल विराटनगर बस्दै आएकी अनिता केसी र विराटनगर ४ घर भएका सरोज भण्डारीलाई प्रहरीले सार्वजनिक गरेको हो ।घटना विवरणअनुसार शवको टुक्रा पारिएको शरीरको अंगमध्ये पेन्टको गोजीमा च्यापिएको बहराइनस्थित कम्पनीको सेक्युरिटी गार्डले लगाउने फेसमास्कबाट सिग्देलको पहिचान भएको हो ।
मृतक सिग्देल पुस २० गते १५ दिनको बिदा मागेर बहराइनबाट सोही दिन नेपाल आएको प्रहरीको अनुसन्धानबाट खुलेको छ । पुष २० गते नेपाल आएपनि २१ गते उनि श्रीमती अनितासँग विराटनगरको एक होटलमा बसेका थिए ।
अनिताले २२ गते बेलुका आफ्ना प्रेमी सरोज भण्डारीलाई बोलाएर सिग्देलको हत्या गरेको खुलेको छ । दिनेशको हत्या विराटनगरमै गरेर शव फाक्नको लागिमात्रै धरान ल्याइएको प्रहरी अनुसन्धानबाट खुलेको छ । पक्राउ परेकामाथि कर्तब्य ज्यान मुद्वामा आजै म्याद थप गरी अनुसन्धान भइरहेको प्रहरीले जनाएको छ ।
0 comments:
Post a Comment