चीनले भारतमा स्वतन्त्र नीतिको पालना गर्ने अपेक्षा


नयाँ दिल्ली- भारतीय विदेशमन्त्री एस जयशंकर आफ्ना चिनियाँ समकक्षी वाङ यीले भारतको विषयमा स्वतन्त्र नीतिको पालना गर्ने अपेक्षा रहेको बताएका छन्।
यसअघि ओआईसी बैठकमा चिनियाँ विदेशमन्त्री वाङ यीले काश्‍मीर मामिलामा विवादास्पद अभिव्यक्ति दिएपछि भारत आक्रोशित बनेको थियो।
पाकिस्तानमा उक्त टिप्पणी लगत्तै भारत आएका चिनियाँ विदेशमन्त्रीको भेटपछि पत्रकारहरुसँग कुरा गर्दै विदेशमन्त्री जयशंकरले नयाँ दिल्लीको सम्बन्धमा चीनले स्वतन्त्र नीति अपनाउने र आफ्नो नीतिलाई अन्य देशहरूबाट प्रभावित हुन नदिने आशा राखेको बताए।
“ओआईसी (इस्लामिक सहयोग संगठन) सम्मेलनमा मन्त्री वाङ यीले भनेका कुराको मुद्दा उठ्यो? मैले उहाँलाई व्याख्या गरें, हामीले त्यो कथन किन आपत्तिजनक पायौं। यो एक छलफलको विषय थियो। त्यहाँ ठूलो सन्दर्भ पनि थियो,’ जयशंकरले चिनियाँ विदेशमन्त्रीसँग प्रतिनिधिमण्डलस्तरीय वार्तापछि पत्रकारहरूलाई भने। ‘मैले सन्देश दिएको छु कि हामी आशा गर्छौं कि चीनले भारतको सम्बन्धमा स्वतन्त्र नीति अनुसरण गर्नेछ र आफ्नो नीतिलाई अन्य देश र अन्य सम्बन्धहरूबाट प्रभावित हुन दिने छैन,’ जयशंकरले भने।
जयशंकरले चिनियाँ विदेशमन्त्रीले द्विपक्षीय सम्बन्धलाई सामान्य अवस्थामा फर्काउने इच्छा व्यक्त गरेको तर उनले भारतले स्थिर र अनुमानित सम्बन्ध चाहेको बताएका छन्।
‘चिनियाँ विदेशमन्त्री वाङ यीले (द्विपक्षीय सम्बन्ध) सामान्य अवस्थामा फर्काउने इच्छा व्यक्त गरेको तर हाम्रो सम्बन्धको बृहत्तर महत्त्वलाई पनि औंल्याएका छन्। भारतसँग स्थिर सम्बन्ध चाहेको तर सामान्यताको शान्तिको पुनर्स्थापना आवश्यक रहेको बताएका छन्,’उनले थपे।
प्रतिकृया दिनुहोस्

About Maipokhari news

माइपोखरी न्यूज डटकम सम्बाददाता