२०८० मंसीर ३ गते , आईतबार
झापाको कमलमा मोटरसाइकलको ठक्करबाट एक वृद्धको मृत्यु भएको छ । पूर्व-पश्चिम राजमार्ग अन्तर्गत कमल-३ स्थित कमल खोलामा गए राती करिब सवा ८ बजे पूर्वबाट पश्चिम तर्फ गइरहेको प्र १–०१–०१४ प ९६७७ नम्बरको मोटरसाइकलको ठक्करबाट पैदल यात्री सोही ठाउँका ६५ वर्षीय कृष्णबहादुर गिरीको मृत्यु भएको हो ।
ठक्करबाट गम्भीर घाइते गिरीलाई उपचारका लागि बीएण्डसी अस्पताल बिर्तामोड पठाइएको र उनको उपचारको क्रममा राती करिब १० बजे मृत्यु भएको ट्राफिक प्रहरीले जनाएको छ । ठक्कर दिने सवारी र चालकलाई इलाका प्रहरी कार्यालय दमकले नियन्त्रणमा लिएको छ ।
0 comments:
Post a Comment