७ असोज, बिर्तामोड । झापाको बिर्तामोड नगरपालिका–७ खालबाडीमा धारिलो हतियार प्रहार गरी एकजनाको मृत्यु भएको छ।
स्थानीय ३५ वर्षीय फुर्वा तामाङलाई सुतेकै अवस्थामा सोही ठाउँका २८ वर्षीय प्रेमकुमार राई र उनका दाजु ३३ वर्षीय रामकुमार राईले धारिलो हतियार प्रहार गरेका थिए।
जिल्ला प्रहरी कार्यालय झापाका अनुसार तामाङको शरीरका विभिन्न भागमा खुकुरी र बसिला प्रहार गरिएपछि घटनास्थलमै मृत्यु भएको हो। घटनामा प्रयोग गरिएका खुकुरी र बसिला प्रहरीले बरामद गरेको छ।
हत्या अभियुक्त दुवै जनालाई स्थानीयवासीले नियन्त्रणमा लिएर प्रहरीको जिम्मा लगाइसकेका छन्।
प्रहरीले घटना सम्बन्धमा थप अनुसन्धान गरिरहेको जनाएको छ।
0 comments:
Post a Comment