२०८२ कार्तिक १५ गते , शनिबार
झापा शिवसताक्षी १० माईधारका सरोज शर्माको हत्यामा संलग्न भएको आरोपमा पक्राउ परेकाहरुको घरमा पनि तोडफोड भएको छ । हत्या आरोपमा माईधारकै २५ वर्षीय सुनिल साह र अन्दाजी २६ वर्षीय राहुल साह पक्राउ परेका थिए । उनीहरु दुवै जनाको घरमा तोडफोड गरिएको छ ।
उनीहरू दुवैलाई इलाका प्रहरी कार्यालय झिलझिलेका प्रहरी निरीक्षक सुवास केसीको कमान्डमा खटिएको प्रहरी टोलीले हिजो पक्राउ गरेको हो । आक्रोशित भीडले आज सुनिल साह र राहुल साहको घरमा तोडफोड गरेको छ । त्यस्तै आक्रोशित भीडले श्याम साहको मे १ ह ७२३७ नं को अटोमा आगजनी गरेको छ ।
हुलाकी मार्गअन्तर्गत बिरिङ पुलमुनि शर्माको शव गाडिएको अवस्थामा फेला परेपछि आक्रोशित भीडले उनीहरुको घरमा तोडफोड गरेको हो । भीडले घरमा आगजनी गर्न खोज्दा प्रहरीले रोकेको छ । शर्माको शव पोस्टमार्टमका लागि विपी कोइराला स्वास्थ्य विज्ञान प्रतिष्ठान धरान लगिएको छ । सो घटनामा ४–५ जनाको संलग्नता रहेको आफन्तले जनाएका छन् ।
0 comments:
Post a Comment