२०८२ माघ २३ गते , शुक्रबा
झापाको भद्रपुरमा सिरिन्ज प्रहार गरी एकजनाको हत्या भएको छ ।
बिहीबार साँझ ६ः२० बजे भद्रपुर नगरपालिका–१० धनुषमोड बस्ने ६४ वर्षीय खेमराज ढकाललाई उनको घरमा सिराहा बिष्णुपुर गाउँपालिका–१ बस्ने २६ वर्षीय दिनेशकुमार सिंहले सुईले घाँटीमा घोपेर हत्या गरेका हुन् । घाइते ढकाललाई उपचारको लागि ओमसाई पाथिभरा अस्पताल भद्रपुरमा लगि चेकजाच गराउँदा डाक्टरले साँझ ७ः२५ बजे मृत घोषणा गरेका थिए । मृतकको शव सोही अस्पतालमा रहेको छ ।
जिल्ला प्रहरी कार्यालय झापाबाट प्रहरी सहायक निरीक्षक हरिबहादुर कटुवालको कमाण्डमा प्रहरी टोली खटिएर सुई प्रहार गर्ने सिंहलाई सुईसहित नियन्त्रणमा लिएको छ । उनलाई जिल्ला प्रहरी कार्यालयमा ल्याई थप अनुसन्धान भइरहेको जनाइएको छ ।
0 comments:
Post a Comment