२०८२ फाल्गुन २७ गते , बुधबार
काँकडभिट्टा । पूर्वी नेपालको काँकडभिट्टा नाकाबाट चार महिलाको उद्धार गरिएको छ । उनीहरूलाई ललाइफकाई भारत लैजान खोज्ने एक जनालाई प्रहरीले पक्राउ गरेको छ ।
प्रहरीका अनुसार उद्धार गरिएका महिलाहरूमा खोटाङको साबिक सुङ्देल गाविस ४ जन्म भई हाल सुनसरी वराहक्षेत्र ३ नडाह बस्ने ३० वर्षीया मेनुका राई, सोही ठाउँकी २८ वर्षीया प्रमीला राई, २१ वर्षीया मनिषा माझी र सिन्धुपाल्चोक बलेफी गाउँपालिका ६ की २५ वर्षीया सरिता तामाङ रहेका छन् ।
मंगलबार बेलुका ५ बजे मेचीनगर नगरपालिका ६ स्थित मेची भन्सार गेट अगाडी इलाका प्रहरी कार्यालय काँकडभिट्टा र आफन्त नेपाल संस्थाबाट खटिएका कर्मचारीको संयुक्त टोलीले नेपालबाट भारततर्फ ती महिलाहरूलाई भारत लैजाँदै गरेका गुल्मी जिल्लाको साबिकको अर्खले गाविस घर भई हाल भारत आसामको गुहावटी बस्दै आएकी ५९ वर्षीया लीलादेवी भन्ने रामपियारी पन्थीलाई पक्राउ गरिएको जिल्ला प्रहरी कार्यालय झापाले जनाएको छ । पन्थीले हङकङ लैजान भारतीय कागजातहरू बनाइदिने भनी नगदसमेत लिई ती महिलाहरूलाई भारततर्फ लैजाँदै गरेकी प्रहरीको प्रारम्भिक अनुसन्धानबाट खुलेको छ ।
पक्राउ परेकी पन्थीको साथबाट ५ लाख ९९ हजार ५४० भारतीय रुपैयाँ र १७ हजार ८१५ नेपाली रुपैयाँ बरामद भएको छ । पन्थीलाई नियन्त्रणमा लिई इलाका प्रहरी कार्यालय काँकडभिट्टामा राखिएको छ भने उद्धार गरिएका महिलाहरूलाई आफन्त नेपाल संस्थामा राखिएको छ ।
काँकडभिट्टा । पूर्वी नेपालको काँकडभिट्टा नाकाबाट चार महिलाको उद्धार गरिएको छ । उनीहरूलाई ललाइफकाई भारत लैजान खोज्ने एक जनालाई प्रहरीले पक्राउ गरेको छ ।
प्रहरीका अनुसार उद्धार गरिएका महिलाहरूमा खोटाङको साबिक सुङ्देल गाविस ४ जन्म भई हाल सुनसरी वराहक्षेत्र ३ नडाह बस्ने ३० वर्षीया मेनुका राई, सोही ठाउँकी २८ वर्षीया प्रमीला राई, २१ वर्षीया मनिषा माझी र सिन्धुपाल्चोक बलेफी गाउँपालिका ६ की २५ वर्षीया सरिता तामाङ रहेका छन् ।
मंगलबार बेलुका ५ बजे मेचीनगर नगरपालिका ६ स्थित मेची भन्सार गेट अगाडी इलाका प्रहरी कार्यालय काँकडभिट्टा र आफन्त नेपाल संस्थाबाट खटिएका कर्मचारीको संयुक्त टोलीले नेपालबाट भारततर्फ ती महिलाहरूलाई भारत लैजाँदै गरेका गुल्मी जिल्लाको साबिकको अर्खले गाविस घर भई हाल भारत आसामको गुहावटी बस्दै आएकी ५९ वर्षीया लीलादेवी भन्ने रामपियारी पन्थीलाई पक्राउ गरिएको जिल्ला प्रहरी कार्यालय झापाले जनाएको छ । पन्थीले हङकङ लैजान भारतीय कागजातहरू बनाइदिने भनी नगदसमेत लिई ती महिलाहरूलाई भारततर्फ लैजाँदै गरेकी प्रहरीको प्रारम्भिक अनुसन्धानबाट खुलेको छ ।
पक्राउ परेकी पन्थीको साथबाट ५ लाख ९९ हजार ५४० भारतीय रुपैयाँ र १७ हजार ८१५ नेपाली रुपैयाँ बरामद भएको छ । पन्थीलाई नियन्त्रणमा लिई इलाका प्रहरी कार्यालय काँकडभिट्टामा राखिएको छ भने उद्धार गरिएका महिलाहरूलाई आफन्त नेपाल संस्थामा राखिएको छ ।
0 comments:
Post a Comment