इलाम — सन्दकपुर गाउँपालिका–४ गुम्बाडाँडास्थित पञ्चकन्या हाइड्रो पावरमा प्रयोग हुने मुख्य पाइप फुट्दा विद्युत उत्पादन प्रभावित भएको छ।
जिल्ला प्रहरी कार्यालय इलामका अनुसार मिति २०८३ साल वैशाख ७ गते दिउँसो करिब ३:०० बजे पावर हाउसतर्फ जाने मुख्य पाइप फुटेको जानकारी ३:२० बजे प्राप्त हुनासाथ प्रहरी चौकी माबुबाट टोली खटिएको थियो।
प्रहरी टोली घटनास्थल पुगेर बुझ्दा उक्त घटनाबाट कुनै मानवीय वा पशुचौपाय क्षति नभएको पुष्टि भएको छ। पाइप फुटेसँगै संचित पानी बगेको र हाल मर्मत कार्यका लागि तयारी भइरहेको जनाइएको छ।
सम्बन्धित हाइड्रो पावरका कर्मचारीलाई घटनाबारे जानकारी गराइसकिएको छ भने पाइप मर्मत कार्य संचित पानी पूर्णरूपमा बगिसकेपछि मात्रै सुरु हुने बताइएको छ।
स्थानीय स्तरमा भने केही समयका लागि विद्युत उत्पादन अवरुद्ध हुन सक्ने अनुमान गरिएको छ।
0 comments:
Post a Comment