यसरी भयो इलाम तारा–२ मा टप फाएभ छनौट (फोटो फिचर भिडियो सहित)

एक सय दुई सहभागीबाट थुप्रै चरण पार गर्दै उत्कृष्ठ ५ छनौट गरिएको हो

गायन प्रतिभा खोज्नेक्रममा ‘दोस्रो इलाम तारा’ प्रतियोगिताअन्तर्गत टप टेन छनौट भईसकेको छ । साउनदेखि सुरु प्रतियोगितामा सहभागी एक सय दुई युवा युवतीमध्ये बाट उत्कृष्ठ १० छनौट गरिएको हो । प्रतियोगिताको फाइनल दसैंअघि नै अर्थात् असोज तेस्रो साता सम्पन्न हुनेछ ।

सिर्जनशील युवा सांगीतिक विकास संघद्वारा आयोजित प्रतियोगिताको सुरुमा इलामका विभिन्न स्थानबाट गायनमा रुचि राख्ने एक सय दुईजना सहभागी भएको र उनीहरुलाई विभिन्न चरणमा अडिसन लिँदै टप टेन छनौट गरिएको संघका संयोजक रोशन राईले बताए । इलाम ताराको पहिलो भाग ‘सफल’ भएपछि त्यसैको निरन्तरताको रुपमा ‘दोस्रो इलाम तारा’ आयोजना गरेको हो ।

पहिलो चरणमा एक सय दुईबाट ६४ जना छनौट गरिएको जनाउँदै संयोजक राईले अडिसनमा ६४ बाट ३८, ३८ बाट २३, २३ बाट १७ र त्यसबाट उत्कृष्ठ १० छानिएको बताए । ‘कतिपय सहभागी राम्रो सम्भावना बोकेका हुँदाहुम्दै पनि सबैलाई समेट्न नसकिने भएकाले छनौटमा परेनन्’ राई भन्छन्, ‘टप टेनमा आइपुगेकाहरु गायनमा आशलाग्दा छन् ।’

टप टेनभित्र छनौट भएकामा श्यामसुन्दर बराल, प्रनिता राई, एञ्जिला राई, जुनु प्रसाईं, संगीता राई, अमित राई, आशिष लिम्बू, भावना राई, सोनिसा शंकर र मदन राई छन् । उनीहरुले म्युजिकल ट्र्याकमा एउटा राष्ट्रिय र अर्को लोक गीत गाउँदै आफ्नो स्वर ‘अब्बल’ पुष्टि गरेर टप टेनमा पर्न सफल भएको निर्णायक राजेश चाम्लिङले बताए ।

सहभागीलाई सुरुमा ‘ओपन भ्वाइस’ अर्थात् संगीतबिनै गाउन लगाइएको र दोस्रो चरणदेखि मात्रै ट्रयाकमा गाउन दिइएको उनी बताउँछन् । टप टेन छनौट गर्नेक्रममा सहभागीले एउटा राष्ट्रिय र अर्को लोकगीत गाउँदै आफ्नो प्रतिभा देखाएका थिए । सदरमुकामस्थित कर्मचारी मिलन केन्द्रको हलमा दिनभर सांगीतिक माहोल चलेको थियो ।

इलाम ताराको असोज ११ गतेको अडिसनले टप ५ पनि छनोट गरिसकेको छ टप ५ को छनोटमा निक्कै कडा प्रतिस्प्रदा भएको जानकारी आयोजक राईले दिए टप ५ मा पर्नेमा इलाम एकातप्पाका शुन्दर लिम्वु, श्री अन्तुकी भावना राई र प्रनिता राई, प्याङका आशिष लिम्वु र सूर्योदय नगरपालिका फिक्कलकी जुनु प्रसाई रहेका छन । अडिसनमा ‘यहाँ देशको छ चिन्ता तिमी माया माया भन्छौँ

साँच्चै नबुझ्ने हौ कि नबुझ्ने हौ कि बनुझेजस्तै बन्छौ’ँ

अघिल्लो प्रतिस्पर्धामा उपस्थित हुन नसकेका सुन्दर लिम्बूलाई यही देशको चिन्ताले अगाडि बढ्ने बाटो खालिदियो ।

अघिल्लो प्रतिस्पर्धामा शारीरिक अस्वस्थताका कारणले भन्दै आयोजकले दुईवटा गीत गाउन दिएर लिम्बूलाई सोमबारको प्रतिस्पर्धामा सहभागि गराउने जानकारी दिएपछि स्टेजमा पुगेका लिम्बूले इलाम ताराको टप फाइभमा पर्ने अवसर हात पारे ।

निर्णायक राजेश चाम्लिङले लिम्बूलाई नाम जस्तै सुन्दरताको वयान गर्दै केही सुझाव दिए ।

यस्तै टप टेनबाट टफ फाइभको प्रतिस्पर्धाका लागि उभिएकी प्रनिता राई पनि उनै निर्णायक राजेशको निर्णयबाट अगाडि बढ्न सफल भइन् । ‘मै मोरीलाई लिन परदेशी आउँछ रे चिठीमात्र लेखेछ’

सुरिलो स्वरलाई ट्याक संगीतमा मिसाउँदा साँच्चै इलामको अर्को तारा त्यही स्वरम छ कि भन्ने भान हुन्थ्यो । निर्णायक राजेशलाई साथ दिइरहेका गायक सुवरा वाङ्गदेल र पहिलो इलाम तारा विजय फागो पनि प्रतियोगिताका गीतमा लठ्ठ थिए । एक सय दुई जना प्रतिस्पर्धीबाट सुरु भएको दोस्रो इलाम तारामा टप फाइभमा आइपुग्दा सुन्दर र प्रनिता सहित भावना राई, आशिष लिम्बू र जुनु प्रसाई टप फाइभमा पर्न सफल भए ।

क्रिएटिभ यङ म्युजिक डेभलपमेन्ट अर्गनाइजेशनको आयोजनामा भइरहेको दोस्रो इलाम ताराको फाइनल भने आगामी असोज २३ गते हुने आयोजक रोशन राईले जानकारी दिए । फाइनलमा जेनिस लामा (योकस्तो यात्रा रहेछ...) गायक राजेश चाम्लीङ, गायक महेन्द लिङदम, प्रथम इलाम तारा विजय फागोको गायन साथमा फ्ल्यक्सीवल डान्स सेन्टर फिक्कल र दार्जिलिङका हिपप लिरिकल कन्टेम्परी र कल्चरल नृत्यहरु प्रस्तुत हुने पनि राईले जानकारी दिए ।

प्रतियोगिताअन्तर्गत ‘इलाम तारा–२’ को उपाधि जित्नेलाई पुरस्कारस्वरुप २५ हजार रुपैयाँ नगद दिइने उल्लेख गर्दै संयोजक राईले दुईटा गीतसमेत निःशुल्क रेकर्डिङ गराइदिने र एउटा गिटारसमेत दिने व्यवस्था गरिएको बताए । ‘यस्ता प्रतियोगिताले गाउँघरमा सीमित प्रतिभा उजागर गर्ने काम गर्छ’ उनी भन्छन्, ‘अवसरको ढोका खोल्ने माध्यम हो यो ।’