राति आठ बजे सकिने भनिएको मतदान एक घन्टा अगाडि सकिएपछि अहिले निर्वाचन समितिको बैठक बसिरहेको छ । निर्वाचन कमिटिको बैठक सकिएपछि सभापतिको मत गणना शुरु हुनेछ । सभापतिको मतपरिणाम आजै सार्वजनिक गर्ने तयारी गरिएको छ ।
आजको परिणाममा कुनै पनि उम्मेद्वारले ५१ प्रतिशत मत नल्याए सोमबार दोस्रो चरणको मतदान हुने निर्वाचन कमिटिले जनाएको छ । कांग्रेसको भावी नेतृत्वको दौडमा शेरबहादुर देउवा, रामचन्द्र पौडेल र कृष्ण सिटौलाले प्यानल बनाएर प्रतिस्पर्धा गरिरहेका छन् ।
बिहान पौने नौ बजे वरिष्ठ नेता शेरबहादुर देउवाले पहिलो मतदान गरेपछि मतदान प्रक्रिया शुरु भएको थियो । महाधिवेशनमा ३ हजार १ सय ६१ प्रतिनिधिले ६१ पदका लागि मतदान गर्ने कार्यतालिका थियो ।
0 comments:
Post a Comment