इलाम, १ मंसिरः इलाम नगर क्षेत्रका विद्यालयहरुको साइनबोर्डमा इलाम नगरको नारा अङ्कित गरिने भएको छ । कार्तिक १९ गते इलाम नगरपालिकाका प्रमुख महेश बस्नेतको अध्यक्षतामा बसेको बैठकले विद्यालयको साइनबोर्ड नयाँ लेखाई २०७४ साल मङ्सिर महिना भित्र चलनमा ल्याउने निर्णय गरेको हो ।
विद्यालयको नयाँ साइबोर्डमा इलाम नगरपालिकाको नारा : स्वच्छ समृद्ध सुसंस्कृत इलाम, विद्यालयको नाम, कक्षा विवरण, वडा नं., स्थानीय पहिचान खुल्ने ठाउँको नाम, जिल्लाको नाम, प्रदेशको नाम र नेपाल लेखिने जनाइएको छ । उल्लिखित निर्णय कार्यान्वयनका लागि इलाम नगरपालिकाले जिल्ला शिक्षा कार्यालय, आदर्श मा.वि.स्रोत केन्द्र र वडा कार्यालयहरुमा परिपत्र गरिसकेको इलाम नगरपालिकाका प्रशासकीय अधिकृत रामकुमार शाहले बताए ।
उनले भने, ‘सङ्घीयता क्रमिक रुपमा कार्यान्वयन गर्ने सन्दर्भमा यी विषयबस्तुलाई कार्यान्वयन गर्दै जाने नगरपालिकाको नीति बमोजिम तत् तत् निकायहरुलाई अनुरोध गरिएको हो ।’
विषयगत निकायका प्रतिनिधि समेतको उपस्थितिमा सम्पन्न बैठकमा इलाम नगरपालिका क्षेत्र रहेका रहेका स्वास्थ्य चौकी, पशु सेवा केन्द्र, कृषि सेवा केन्द्र, आयुर्वेद औषधालयको साइनबोर्डमा बोर्डको सबैभन्दा माथि सानो अक्षरमा नगरको नारा ः स्वच्छ समृद्ध सुसंस्कृत इलाम, नगरपालिकाको नाम, कार्यालयको नाम, वडा नं., स्थानीय पहिचान खुल्ने स्थानको नाम, जिल्ला, प्रदेश नं. र नेपाल राखेर साइनबोर्ड राखिने निर्णय गरिएको छ ।
सार्वजनिक सेवा प्रवाहलाई सहजीकरण, नियमन र उपयुक्त व्यवस्थापनका लागि इलाम नगरका प्रत्येक विद्यालयका प्र.अ., कार्यालय प्रमुखको नामथर र निजको नियामक पदाधिकारीको नामथर र सम्पर्क नम्बर सार्वजनिक जानकारीका लागि सबैले देख्ने गरी राख्नका लागि समेत मातहतका निकायलाई अनुरोध गरिएको प्रशासकीय अधिकृत शाहले बताएका छन् । यसरी सवै सरकारी निकायमा नारा मात्र लेखेर