- गोविन्द पौडेल
सुर्योदय (हर्कटे),मंसिर :पूर्वी इलामको पर्यटकीय क्षेत्र कन्यामको हर्कटेमाा झण्डै एक दशकदेखि साप्ताहिक रुपमा लाग्दै आएको बजारमा अहिले आएर दुईवटा बजार समितिको चेपुवामा परेको छ । वि.स.२०६६ सालबाट हरेक मंगलबार लाग्दै आएको हर्कटे बजार ब्यवस्थापनको लागी दुर्गाराज निरौलाको अध्यक्षतामा बजार ब्यवस्थापन समिति रहेको भएपनि बजारलाइ अझ ब्यवस्थित तरिकाले संचालन गर्न भन्दै सुर्याेदय नगरपालिका वडा नं ६ का वडाध्यष शिवकुमार बस्नेतकै सक्रियतामा स्थानिय मणिकुमार गुरुङ्गको अध्यक्षतामा नयाँ समिति बनेपछि अव कुन समितिले बजार ब्यवस्थापन गर्ने हो भन्ने चिन्ता बढेको हो ।
शुरुमा हर्कटे खानेपानी तथा सरसफाईसँगको सहकार्यमा बजार ब्यवस्थापन गरेर वि.स.२०७२ मंसिर १४ गते चार वर्ष कार्यकालको लागि साधारणसभाले बनाएको ब्यवस्थापन समितिलाई थाहै नदिइकन वडाध्यक्ष बस्नेतले एकलौटी रुपमा समानन्तर समिति बनाएको पुरानो समितिको दाबी रहेको छ । ‘हामीले बजार शुरुवात गर्दा देखि नै वातावरण र प्रदुषणको पक्षमा ध्यान दिएर अनेकौ आरोह अवरोह पार गर्दै बजारलाई सफा राख्ने प्रयास गरेका छौ । बजारबाट आउने सानो आम्दानी र स्थानियबासीहरुबाट पाएको सहयोगले बजारमा सरसफाई गराउन सानो कटेरो बनाएर सफा गर्ने मानिसको ब्यवस्था र फोहोर ब्यवस्थापनको लागि स्थानिय सुनाखरी वन उपभोक्ता समितिसँगको सम्झौता गरेर बजारलाई सफा नै राखेका थियौ ।
बजार समितिको कोषमा अहिले केही चल–अचल सम्पति समेत छ तर कसरी एका–एक नयाँ समानन्तर समिति बन्यो ?’ आफुहरु अनविज्ञ रहेको समितिका उपाध्यक्ष टीका अधिकारीले बताए । यता सार्वजनिक जग्गा नरहेको र मेची राजमार्गको दायाँबायाँ र हर्कटे जिर्मले सडकको आसपासमा लाग्दै आएको हटियालाई सार्वजनिक जग्गाको खोजी गरिने र अझ ब्यवस्थित गरिने कार्ययोजना अगाडी बढिरहेको बेलामा नयाँ समिति बनाएर बजारको भविष्य नै संकटमा पारिने कार्य गरिनु उचित नभएको स्थानिय इश्वरी बरालको भनाइ रहेको छ ।
यसैबिच स्थानियबासीहरुले भने एक समिति निमार्ण गरी वडाध्यक्षको काम बजार विरोधी रहेको र यसको न्यायोचित समाधानको लागि सुर्योदय नगरपालिका मेयर रणविर (आरबि) राईलाई ज्ञापन पत्र बुभाइएको स्थानिय नरेश पौड्यालले बताए । यस बारेमा वास्तविकत कुरा के हो भनेर वडाध्क्ष शिवकुमार बस्नेतसँग जिज्ञासा राख्दा उनले थाहा नपाएको र यो कुरा नाटकमात्र रहेको र सुर्योदय नगरपलिकाको कार्य योजना अनुसार बजारको मापदण्ड अनुसार बाटो खाली गराउने, नगरलाइ मंसिर १ गतेबाट प्लास्टिक मुक्त बनाउने र बजारलाई अझ राम्रो बनाएर विकास गर्न नयाँ समिति बनेको र नगरले आगामी कार्यक्रम सोही समिति मार्फत गर्ने जानकारी दिए । यता हर्कटे र आसपासका बासीहरुले बजार लाग्दा सस्तो सामान नजिकैबाट पाउने गरेको भएपनि समितिको आ–आफ्नै दाबीले बजार नै नलाग्ने हो की भन्ने शंका उब्जाएको रोङ ६ का ख्याम घिमिरेको भनाइ रहेको छ ।