इलाम, १७ चैतः राष्ट्र शान्ति र कल्याणको कामना गर्दै इलाम नगरपालिका वडा नं.५ बरबोटेस्थित राम जानकी मन्दिरमा आउँदो चैत २२ गते देखि श्रीमद् देवी भागवत् महापुराण नवाह ज्ञान महायज्ञ लगाइने भएको छ ।
सरस्वती सत्सङ्ग समाज एवम् राम जानकी मन्दिर मूल आयोजक समितिको आयोजनामा लाग्ने पुराण चैत ३० गते समापन हुने छ । पुराणको बाचन इलामका युवा पण्डितद्वय कृष्णप्रसाद घिमिरे र विष्णुप्रसाद भट्टराईले गर्नेछन् ।
चैत २२ गते कलश यात्रा, मण्डव पूजा एवं महायज्ञको उद्घाटन गरी सुरु गरिने पुराणको २३ गते देखि पुराणको कथा सुरु गरिने छ । पुराणबाट उठेको रकम मन्दिरको सत्संग भवन निर्माण गर्न लगाइने छ । यस अघि पनि मन्दिरमा बाल्मिकी पूराण र श्रीमद् भागवत पुराण आयोजना गरिए प. कृष्ण प्रसाद घिमिरेले माइपोखरी न्युजलाई जानकारी गराए ।