- विनय तिम्सीना
इलाम, २६ बैशाखः इलामको जस्विरेमा एक अनौठो दृष्य देखियो जहाँ एक कार्यक्रममा भेला भएका सवैको आँखा रसाएका थिए । जहाँ ९१ वर्षिय भैरव रिसाल एउटा मञ्चमा आफ्नो परिवारसँग वसेका थिए । उनलाई सम्मान गर्न जस्विरेका गाउँले भेला भएका थिए सवैको आँखा रसाएका थिए । सम्मान कार्यक्रम शुरु भयो कार्यक्रममा उनलाई सम्मान पत्र दिएर सम्मान गर्दै ९१ वर्षिय पाका बृद्धलाई ‘युवा पुरुष’ घोषणा गरियो । जीवनको उत्तार्दमा पनि आजकालका युवाहरु भन्दा सक्रिय रहेका रिसाललाई युवा पुरुष घोषणा गरिएको हो युवा त्यो हो जसको जीवनमा सक्रियता छ भन्दै उनलाई ‘युवा पुरुष’ घोषणा गरिएको हो ।
हेर्नुहोस् भिडियो
वि.स. २९८५ मा साउन २९ गते जन्म भएका रिसल २०१३ सालमा पत्रकारिता पेशामा प्रवेश गरेका थिए । २०२० सालमा राससको प्रमुख सम्वधदाता भएका रिसलले राससको जागिर छोडेर आई.डी.एस. नामक संस्थामा काम गर्न थालेपछि इलामको जस्विरेमा आलु विउ विकास कार्यक्रम अन्तरगत २०४२ सालमा इलाम आउने अवसर पाएका थिए ।
उनी इलामको जस्विरेमा आलुखान आएको बताउँदै इलामको माया पनि लिन आएको हुँ भनेर मज्जाले हाँसे । जस्विरेवासीको असिम मायाँ देख्दा त उनका आँखा नै रसाए । जस्विरे गाउँको विकासमा मार्ग दर्शकको रुपमा लिईने रिसालले इलाम वस्दा धेरै समाज सुधारक कार्यगरेको स्थानीयले स्मरण गरे ।
रिसालले पुरानो अनुभव सुनाउँदै भने यहाँ त म आलुको विउ विकास कार्यक्रम लिएर आएको थिए मलाई अरु कार्य गर्न दिईदैन थियो पछि संस्थाका मानिसहरु आए अनि तँलाई जे गर्न मन लाग्छ गर हामी सहयोग गछौँ भने अनिमैले यो गाउँको मार्ग दर्शन गर्ने अवसर पाएँ । उनले भने सवै काम त मैले गरेको हैन गाउँले नै गरेका हुनतर पनि मार्ग दर्शन भने गरेको हुँ ।
इलामको आलु सारै मनपराउने उनलाई गाईको घ्यु पनि उतिकै मन पर्छ । जस्विरेमा चिया खेती, आलुखेती गर्न र दुग्ध डेरी सञ्चालन गर्न प्रोत्सन गरेका थिए ।
कार्यक्रममा सवैले पुष्प गुच्चा दिएर सम्मान गरे उनले पनि सात जनालाई नेपाली टोपी मायाँको चिनो दिएर मायाँ साटे ।
