इलामः इलाममा रहेको त्रिभुवन विश्वविद्यालयअन्तर्गतको एकमात्र आङ्गिक क्याम्पस देशकै उत्कृष्ट क्याम्पसको रूपमा घोषित महेन्द्र रत्न बहुमुखी क्याम्पसमा विगत केही दिन देखि प्रशासनिक काम ठप्प भएका छन् । विद्यार्थीहरुले विभिन्न १८ वुँदे माग राख्तै क्याम्पसमा रहेको प्रशासनिक भवनमा ताला वन्दी गरेका छन् ।
सोमबार साँझ क्याम्पसमा विद्यार्थीहरुले ताला लगाएको खोल्ने र नखोल्ने विषयमा विवाद भए पछि कुटाकुट र झ्यालको सिसा तोडफोड गरेका छन् । विद्यार्थीहरुले तोडफोठड गरेको क्षतिको प्रहरी गएर सरजिविन मुचुल्का उठाएको छ ।
विद्यार्थीको तालावन्दीको कारण क्याम्पसमा समस्या भएको र दैनिक पठनपाठनका काममा पनि समस्या पनि आएको छ । क्याम्पसमा विदाको विषयमा भएको अदालतको फैसला समेत कति प्रध्यापकहरुले मानेका छैनन् । अदालतले फैसला गर्दै विदाको सूचना क्याम्पस प्रमुखले गरेको विदाको सूचना सहि भने पछि क्याम्पस सञ्चालक समितिले गरेको विदा स्वतः खरेजी भए पछि क्याम्पस सञ्चालक समिति अप्ठ्यारामा परेको हो । मुद्धा हारेको सञ्चालक समितिले नैतिकताको आधारमा राजिनामा गर्नु पर्ने नेपाल विद्यार्थी संघका कार्यवहाक अध्यक्ष प्रकाश भट्टराई वताउँछन् ।
यता क्याम्पस प्रमुख गुरागाई भने आफुलाई क्याम्पसको पक्षमा काम गर्न नदिएको गुट वन्दीको राजनीति गरेर क्याम्पसलाई नै धरापमा परेको आरोप लगाउँछन् । अहिले राखिएका मागहरु विद्यार्थीको पक्षमा नभएको र विद्यार्थीको हक र अधिकारका लागि आफु सँधै लागिपर्ने वताउँछन् ।
मरव क्याम्पस इलाममा भईरहेको गतिविधिले यति वेला इलाम बजार राम्रै तातेको छ । विद्यार्थीलाई शिक्ष दिने क्याम्पसमा अनेक किसिमका गतिविधिले क्याम्पसको भविष्यनै अन्धकार हुने जानकारहरु वताउँछन् ।