तिम्रा ती खुसिहरुलाई चलाई दिदा के हुन्छ।
तिम्रा ती तस्विरहरुलाई जलाई दिदा के हुन्छ।
खुबै मन परेको,तिम्रै कुनै एउटा मान्छे थियो
त्यै मान्छेलाई तिम्रै सामु ढलाई दिदा के हुन्छ।
खडेरी छ चैतको धपधप,धर्ति नै जल्ला जस्तै
मट्टितेल पोखि आगोलाउन सलाई दिदा के हुन्छ।
उस्तै हो त माया,उसले जस्तै मैले दिने पनि
तिम्रो त्यो सुन्दर जवानी मलाई दिदा के हुन्छ।
तिम्लाई पाउने त्यो आशा,अझै मरेको छैन मेरो
तिम्रो झरिसकेको पात फेरि पलाई दिदा के हुन्छ।