इलाम, १३ असारः इलाममा आज एकै दिन ५ जना कोरोना संक्रमित थपिएका छन् । आज आएको रिपोटमा ओमनबाट आएका ३ जना, साउदी अरवबाट आएका १ जना र भारतबाट आएका १ जना रहेका छन् । ओमनबाट र साउदी अरवबाट आएर सूर्योदय नगरपालिकाको कन्याममा रहेको कृष्णाश्रम क्वारेन्टाइनमा रहेका ३०, २८, ४८ र ३० वर्षिय चारै जना पुरुष रहेका छन् । भारतबाट आएका भने पशुपतिनगरको क्वारेन्टाइनमा रहेका थिए । उनीहरु मध्ये ३ जना सूर्योदय नगरपालिकाका विभिन्न वडाका स्थायी वासिन्दा हुन भने एक जना इलाम नगरपालिका ८ का स्थायी वासिन्दा हुन ।
उनीहरुलाई उपचारको लागि मोरङको गोठगाउँमा रहेको पुर्वाञ्चल विश्वविद्यालयको अस्पतालमा उपचारको लागि पठाइएको सूर्योदय नगरपालिकाका कोरोना फोकल प्रसन विपुल अधिकारीले जनकारी गराए ।
आज थपिएका ५ जनासँगै इलाममा कोरोना संक्रमितको संख्या ७ जना पुगेका छन् । इलामका पहिलो र दोस्रो संक्रमित सूर्योदय नगरपालिकाका दुवै जनाले कोरोनालाई जितेर घर फर्किएका छन् ।