इलाम, १ साउनः इलाममा एकै दिन छ जनामा कोरोनाको पुष्टि भएको छ । क्वारेन्टाइनमा खटीएका नेपाली सेनाका जवन सहित ६ जनामो आज एकै दिन कोरोना संक्रमण पुष्टी भएको हो । कोरोना पुष्टि हुने सवै इलाम नगरपालिकाका छन् । इलाम नगरपालिका–८ का एक जना, इलाम नगरपालिका १० का तीन जना र इलाम नगरपालिका ७ का २ जनामा कोरोनाको पुष्टि भएको इलाम स्वास्थ्य कार्यालयका कोरोना फोकल पर्सन विमल बरालले जानकारी दिएका छन् ।
जिल्ला समन्वय समितिकाको क्वारेन्टाइनमा बसेकाहरुलाई कोरोना पुष्टि भएको हो । कुवेत, कतार, र गृष एक/एक जना, भारतबाट आएका दुइजना र क्वारेन्टाइनको सुरक्षार्थ खटिएका एक जना नेपाली सेनाका जवान छन् । पाँच जना १७ गते क्वारेन्टाइनमा आइपुगेका हुन् । सेनाका जवान भने क्वारेन्टाइनको सुरक्षाका लागि खटिएका थिए । उनीहरुको गत २८ गते स्वाब परिक्षणको लागि पठाइएको थियो । नेपाली सेनाका जवन क्वरेन्टाइन छाेडेर वाहिर नगएकाे पनि नेपाली सेनाले जनाएकाे छ । कोरोना पुष्टि भएकाहरुलाई मोरङ्गको गोठगाउँ कोरोना अस्पतालमा पठाउने तयारी भइरहेको बरालले जानकारी दिए ।
इलाममा आज थपिएका ६ जना सहित कोरोना संक्रमितको संख्या २२ जना पुगेको छ भने ११ जना उपचार पछि घर फर्किएका छन् ।