कोरोना संक्रमणबाट कोशी अस्पतालमा उपचाररत सिरहाका ४० बर्षीय पुरुषको मृत्यु


विराटनगर, २९ साउन । विराटनगर स्थित कोशी अस्पतालका आइसोलेसनमा उपचारका क्रममा सिरहा जिल्लाका ४० बर्षीय एक पुरुषको मृत्यु भएको छ ।

बुधबार राति अस्पताल भर्ना भएका सिराहा जिल्ला विष्णुपुर १ का पुरुषको उपचारकै क्रममा बिहीबार बेलुका साढे सात बजे मृत्यु भएको अस्पतालले जनाएको छ ।

उनलाई टाइफाइड साथै ज्वरो खोकी श्वासप्रश्वासमा समस्या र रगतको कमी भएको कोशी अस्पतालका आइसोलेसन इन्चार्ज डाक्टर लक्ष्मीनारायण यादवले जानकारी दिनुभयो ।

उनको आइसोलेसनमा उपचारकै क्रममा कोरोना पोजिटिभ देखिएको र समस्या जटिल भएका कारण थप उपचारको लागि धरान पठाउन सम्पर्क गर्दा गर्दै मृत्यु भएको इन्चार्ज डाक्टर यादवले जानकारी दिनुभयो । श्वासप्रस्वासमा समस्या र ज्वरो खोकी भएर अस्पताल भर्ना भएका उनको लक्षण कोरोना संग मिल्ने भएका कारण स्वाब संकलन गरेर प्रदेश जनस्वास्थ्य प्रयोगशाला बिराटनगरमा परीक्षणको लागि पठाइएको थियो

प्रतिकृया दिनुहोस्

About Maipokhari news

माइपोखरी न्यूज डटकम सम्बाददाता