इलाम, २६ भाद्रः इलाम जिल्ला समन्वय समितिका सदस्य चन्द्र मगरको आज बिहान कोभिडको उपचारका क्रममा निधन भएको छ ।
उपचारका लागि बिर्तामोडको बिएण्डसी हस्पिटलमा भर्ना हुनुभएको उहाँको आज बिहान साढे ४ः०० बजेतिर निधन भएको इलाम रोङ गाउँपालिका अध्यक्ष समसेर राईले जानकारी दिनुभयो ।
एक साताअघि कोभिड–१९ को लक्षण देखिएपछि उहाँलाई मेची अस्पतालमा भर्ना गरिएको थियो । सुरुमा एन्टिजेन परीक्षण गर्दा उहाँमा कोभिडको सङ्क्रमण देखिएको थिएन ।
स्वास्थ्य अवस्था जटिल बनेपछि उहाँलाई थप उपचारका लागि हस्पिटल भर्ना गरिएको थियो । बिएन्डसीमा भर्ना गरिएपछि पिसीआर परीक्षण गर्दा उहाँमा कोभिड सङ्क्रमण पुष्टि भएको थियो ।
दक्षिणी इलामको रोङ गाउँपालिका–५ निवासी उहाँ नेकपा (एमाले)बाट वडासदस्यमा निर्वाचित भएर जिसस इलामको सदस्य हुनुभएको थियो । इलामको सचिवालय सदस्य समेत हुनुहुन्थ्यो ।
0 comments:
Post a Comment