इलाम, ११ असारः लागू औषध दुरुपयोग तथा अबैध ओसापसार बिरुद्धको अन्तर्राष्ट्रिय दिवस (जुन २६) को अवसरमा इलाममा अन्तरक्रिया कार्यक्रम सम्पन्न भएको छ । जिल्ला प्रशासन कार्यालय इलाम र जिल्ला प्रहरी कार्यालय इलामको सयुक्त आयोजनामा इलाम नगरपालिकाको सभाहलमा कार्याक्रम सम्मपन्न भएको हो ।
इलाम जिल्लाका प्रमुख जिल्ला अधिकारी माधब प्रसाद ढुंगानाको अध्यक्षतामा भएको कार्यक्रममा इलाम नगरपालिकाका नगर प्रमुख केदार प्रमुख आतिथ्यत थिए । सुरक्षा निकायका प्रमुख, इलाम नगरपालिकाका वडा अध्यक्ष, बिभिन्न संघ संस्थाका प्रमुख, पत्रकार, शिक्षक, बिभिन्न बिद्यालयका बिद्यार्थीहरु र अभिभावकको उपस्थितिमा लागू औषध विरुद्धको सचेतनामुलक अन्तरक्रिया कार्यक्रम सम्पन्न भएको हो ।
कार्यक्रममा जिल्ला प्रहरी कार्यालय इलामका प्रमुख प्रहरी उपरीक्षक महेन्द्रकुमार श्रेष्ठले लागु औषध दुरुपयोग तथा अबैध ओसारपसार बिरुद्धको बिषयमा प्रस्तुतिकरण गर्नुभयो ।
कार्यक्रममा श्रेष्ठले लागु अाैषधका प्रकार र यसकाे अवैध उत्पादन र अाेसारपसार सम्वन्धि कानुन बारे पनि जानकारी गारउँनु भएकाे थियाे ।
0 comments:
Post a Comment