भक्तपुरमा रुख ढलेर बस र स्कुटरलाई च्याप्दा तीनको मृत्यु, १२ जना घाइते

८ श्रावण २०७९, आईतवार

काठमाडौं । भक्तपुरमा रुख ढलेर बस र स्कुटरलाई च्याप्दा तीनको मृत्यु भएको छ । आइतबार भक्तपुरको भक्तपुर नगरपालिका–१ सल्लाघारीमा काठमाडौंबाट भक्तपुरतर्फ गइरहेको बा २ ख ३५८४ नम्बरको बस र बा ६१ प ३९७८ नम्बरको स्कुटरलाई च्याप्दा तीनको मृत्यु भएको हो ।
प्रहरीका अनुसार उक्त दुर्घटनामा अन्य १२ जना घाइते भएका छन् । मृत्यु हुनेहरुमा एक जना नितेज खर्बुजा रहेका छन्, भने बाँकी दुई जनाको पहिचान खुल्न नसकेको प्रहरीले जनाएको छ ।
घाइतेहरुको भक्तपुरस्थित इवामुरा अस्पताल र भक्तपर अन्तर्राष्ट्रिय अस्पताल उपचार भइरहेको प्रहरीले जनाएको छ । अहिले नेपाली सेनाले सडकमा ढलेका रुख हटाउने काम गरिरहेको र सल्लाको ठूलो रुख ढलेकाले हटाउन केही समय लाग्ने बताइएको छ ।

प्रतिकृया दिनुहोस्

About Maipokhari news

माइपोखरी न्यूज डटकम सम्बाददाता