त्यस्तै इलामको नामसालिङ्ग र सोयाङमा पनि इलाकास्तरीय योजना तर्जुमा गोष्ठी हिजो नै सम्पन्न भएको छ । गोष्ठीले विकास पूर्वाधारतर्फ ४८, स्वास्थ्य तथा सामाजिकमा १७, कृषिका १५ र वन तथा वातावरणतर्फ १६ योजना छनौट गरेको । सो कार्यक्रममा नेपाली कांग्रेसका गोविन्द पौडेल, एमालेका उमेश गुरुङ्ग, एमाओवादीका दामोदर भट्टराई, राप्रपा नेपालका हरि डिसी, राप्रपाका धनबहादुर थापामगर, मंगोल नेशनल अर्गनाइजेशनका मणि पापो, नेकपा माओवादीका रुद्र साम्पाङ्ग, लगायतले बोलेका थिए ।
प्रदिप चापागाईको अध्यक्षतामा सोयाङमा सम्पन्न इलाका गोष्ठीबाट इलाम नगरपालिका, सोयाङ र बरबोटे गाविसका योजना छनोट गरिएको छ । कार्यक्रममा नेपाली कांग्रेसका डम्बर खड्का, नेकपा एमालेका भक्त केसी, एनेकपा माओवादीका धिरेन शर्मा, राप्रपाका सोमनाथ बास्तोला, एनसिडिसीका याम अधिकारी, दलित जिल्ला समन्वय समितिका जीवन नेपाली, महिलाको प्रतिनिधित्व गर्दै उषादेवी घिमिरे, उद्योग वाणिज्य संघका इश्वर चिपालु, पत्रकार महासंघका सचिव बुद्धवीर राईले कार्यक्रम सफलताको शुभकामना दिएका थिए । ११ इलाका रहेको इलामको बाँकी इलाकामा आउँदो ६ गते र ८ गते योजना छनोटका लागि इलाका गोष्ठी सम्पन्न गरिने जिविस इलामका जगत कोइरालाले जानकारी दिए । नामसालिङमा जिविसका योजना अधिकृत छवि खतिवडाको अध्यक्षतामा भएको इलाका गोष्ठीबाट प्याङ, नयाँबजार, नामसालिङ, जोगमाई र गोर्खे गाविसको योजना छनोट भएको छ ।
0 comments:
Post a Comment