निर्वाचन आयोगको तथ्यांकअनुसार नेकपा एमालेले ३१ लाख ६१ हजार २ सय ९५ मत ल्याएको छ । दोस्रो स्थानमा रहेको नेपाली कांग्रेसले ३१ लाख ११ हजार ६ सय ४३ मत प्राप्त गर्दा माओवादी केन्द्रले १२ लाख ९५ हजार ९ सय ३ मत पाएको छ ।
यस्तै राजपाले ४ लाख ७० हजार ४ सय ८६, संघीय समाजवादी फोरमले ४ लाख ६९ हजार ४ सय ६१, विवेकशील साझा पार्टीले २ लाख १२ हजार २ सय ९३, राप्रपाले १ लाख ९६ हजार १ सय ९०, राप्रपा प्रजातान्त्रिकले ८८ हजार २ सय ८०, नयाँ शक्ति पार्टीले ८१ हजार ४ सय ७६ र राष्ट्रिय जनमोर्चाले ६२ हजार १ सय २३ मत पाएका छन् ।
अन्य दलले ३ लाख ५४ हजार ४ सय ९८ मत प्राप्त गरेको निर्वाचन आयोगले जनाएको छ । योसँगै पाँच वटा पार्टीले मात्र राष्ट्रिय दलको मान्यता पाएका छन् ।
संविधानअनुसार कूल सदर मतको ३ प्रतिशत ल्याउने पार्टीलाई राष्ट्रिय दलका मान्यता दिने व्यवस्था छ । सो अनुसार नेकपा एमाले, नेपाली कांग्रेस, नेकपा माओवादी केन्द्र, संघीय समाजवादी फोरम र राष्ट्रिय जनता पार्टीले राष्ट्रिय दलको मान्यता पाएका हुन् ।
अरु दलले ३ प्रतिशत मत कटाउन नसके पछि उनीहरुले राष्ट्रिय दलको मान्यता पाउन सकेनन् ।