इलाम सदरमुकाम देखि ८ किलोमिटर उत्तर माईपोखरी धाम जाने पक्की बाटोको नजिक साविक बरबोटे ४ हाल इलाम नगरपालिका वार्ड नं. ४ धारापानीमा मिति २०७५कातिक ०१ गतेका दिन माईली पाथिभरा देवीको उत्पति भएको हो ।
त्यस पछि शरीरमा कम्पन दिने विभिन्न व्यक्तिहरु आई यस क्षेत्रमा विभिन्न देवदेवीको बासस्थान रहेको छ भनी बताउने गरेकोले मध्यरातमा खोजी गर्दा अन्य देवदेवीको शिला फेला परेका र उत्खननको क्रममा नागदेवीको प्रत्यक्ष दर्शन समेत गर्न पाएकोले जनस्तरमा विश्वास बढ्न गई यस क्षेत्रको संरक्षण सम्बर्द्धन गर्न स्थानीय व्यक्तिहरुबाट यहाँको झोडी सरसफाई गरी देवस्थलको रुपमा स्थापित गर्न अग्रसर रहेका छन् ।
देवदेवीहरुको उत्पति पछि विधिवत रुपमा स्थापनाका लागि स्थानीय व्यक्तिहरुको सहयोगमा २०७५मंसिर २६ गते बुधबार विवाह पञ्चमीका दिन प्राण प्रतिष्ठा कार्यक्रम गरिएको हो ।
आजको समयमा धर्म र यस सँग सम्बन्धित कुराहरुमा विश्वासी जन हरुको कमी भइरहेको अवस्थामा प्रत्यक्ष देवीको दैवी शक्ति प्राप्त भई समाजका आम समुदायमा धर्म प्रतिको विश्वास जागृत गराउन र यस क्षेत्रलाई धार्मिक पर्यटक स्थलको रुपमा स्थापित गराई इलाम जिल्लाको परिचय गराउन सबल बन्न सकोस भन्ने पवित्र हेतुले गर्न लागिएको यस पून्य कर्मको लागि सम्पूर्ण धर्मानुरागी महानुभावहरुमा हार्दिक अपिल गर्दछौँ ।