अनुमानित ६० देखि ७० लाख बजेट लाग्ने सो भवन निर्माण शुरु भए देखिनै इलाममा रहेको नेपाली सेनाको पशुपति प्रसाद गणले दैनिक श्रमदान गरिरहेको छ । नेपाली सेनाले दैनिक ५ देखी काम हेरेर ९ जना सम्मको टोली खटाएर अनाथालय बनाउनमा सहयोग गरेको हो । समाजमा सामाजिक काममा सहयोग गर्दै आएको नेपाली सेनाले इलामका अन्य क्षेत्रमा भएका सामाजिक काममा पनि अवस्था हेरी सहयोग गर्दै आईरहेको गणपति असिमदिप गुरुङ वताउनु हुन्छ ।
यसरी नेपाली सेनाले विभिन्न सामाजिक काममा सहयोग गर्दा समाजमा सकारात्मक कार्यहरु गर्न समाज उजागर भई रहेको पनि छ ।
राहसलको भवन बनाउन अझै पनि रकम संकलन गर्ने कार्य भई रहेको स्रोत व्यवस्थापन समितिका अध्यक्ष चन्द्र वहादुर हाङ्खीम वताउनु हुन्छ । उहाँले भन्नुभयो अहिले पनि रकमको त अभावै छ अनुमानित बजेज अनुसारको रकम उठेको छैन तर पनि सहयोगी मनहरुले रकम मात्र नभएर निर्माण सामग्री पनि सहयोग गरिहनु भएको छ । हामीलाई श्रममा लाग्ने सहयोग नेपाली सेनाले गरिरहेको छ यसले पनि निर्माण कार्यमा अलि सहज भएको छ । हामीले निमार्ण कर्याको लागि दैनिक २ जना मिस्त्री लगाई रहेका छौ भने बाँकी दैनिक नेपाली सेनाबाट ५ देखि ९ जना सम्म आएर सहयोग गरिरहनु भएको छ । समाजमा हुने यस्ता समाजिक कार्यमा नेपाली सेनाको सहयोग प्रशांसा योग्य रहेको छ । अवको २ महिनामा जसरी पनि भवन निर्माण सकेर वालवालिकाहरुलाई भित्र्याउनु छ त्यसैले पनि सहयोगी मनहरुलाई सकेसम्मको सहयोग गर्नु अनुरोध गर्दछौँ ।
राहसल बाल अनाथालयको भवन निर्माण कार्यमा सहयोगको लागि माइपोखरी न्युज पनि सम्पूर्ण पठकहरुलाई यथासक्य सहयोग गर्न अनुरोध गर्दछौँ ।