काठमाडौ । योग सबै उमेरका मानिसमा उपयुक्त हुन्छ । बालबालिकाको हकमा भने ३ देखि ४ वर्षको उमेरबाट नै योग सुरु गराउन सकिन्छ । योगले बालबालिकाको बौद्धिक क्षमता वृद्धि गर्न सहयोग गर्छ ।
गर्भवती महिलाले पनि योग गर्नुपर्छ । गर्भवती महिलालाई स्ट्रेस हुन्छ । विभिन्न किसिमका लक्षणहरु गर्भावस्थामा देखिन्छन् । त्यो बेलामा मनलाई शान्त पार्ने खालको प्रणायम, ध्यानहरु गर्न सकिन्छ भने पेटमा बल नपर्ने खालको हात खुट्टा चलाउने, लामो —लामो श्वास फेर्ने खालको शरीरिक अभ्यास गर्न सकिन्छ ।
युवाहरुले योगले दिनभर थकान नलाग्ने र मानसिक तनाव कम गर्ने हुन्छ । भने वृद्धवृद्धा वा रोगले सिकिस्त भएको मानिसलाई पनि योग गर्न जरुरी छ ।
यस्ता छन् ७ फाईदा
१.मुटु र रगतका नलीलाई सफा गर्ने काम गर्छ ।
२.शरीरका रक्तसंचार प्रणालीलाई व्यवस्थित गर्छ ।
३.पाचन क्षमता बढाउँछ ।
४. शरीरमा धेरै क्यालोरी छ भने योग गर्दा घट्छ ।
५. मस्तिष्कलाई सफा बनाउँने काम गर्छ । मन स्वास्थ भएको खण्डमा हरेक कुराहरु सकारात्मक रुपमा अगाडि बढ्छ ।
६.शरीरको जोर्नीहरुलाई खुकुलो बनाउँछ । जसले गर्दा शरीरमा यूरिकेसिड, बाथजस्ता रोगहरुलाई नियन्त्रण गर्छ ।
७.शरीरलाई स्वास्थ राख्नुका साथै आयू लम्ब्याउने काम योगले गर्छ ।