बेलौरी कञ्चनपुर , १३ जेठ । कञ्चनपुर जिल्लाको दक्षिणी क्षेत्र अन्तरगत लालझाडी गाउँपालिका वडा नम्बर ६ रामेश्वर विद्यालयको क्वारेन्टाईनमा बस्दै आएका दुई जनामा आरडिटी टेष्ट पोजिटिभ देखिएको छ ।
आज ९मंगलबार० गाउँपालिकाले गरेको आरडिटी परीक्षणमा दुई जनामा रिपोर्ट पोजेटिभ देखिएको गाउँपालिका वडा नम्बर ६ का वडा अध्यक्ष फुलाराम चौधरीले बताउनुभयो । उहाँका अनुसार दुई जनामा रेपिटटेष्ट पोजेटिभ देखिएको हो ।
केही समय अघि भारतबाट फर्किएका २० र ३० बर्षिया युवकमा आरडिटी पोजिटिभ देखिएपछि उनीहरुलाई प्रहरीको निगरानी सहित विशेष कक्षमा छुट्टै राखिएको इलाका प्रहरी कार्यालय बेलौरीका प्रहरी निरीक्षक रण बहादुर चन्दले बताउनुभयो ।
उनीहरू गत बैशाख ३१ गते भारतको हरियाणा बाट आएको समेत प्रहरी निरीक्षक चन्दले बताउनुभयो। आरडिटी पोजेटिभ देखिएपछि थप पिसिआर परीक्षणका लागि स्वाब नमुना संकलनको गरिएको छ ।
लालझाडी गाउपालिकाका अध्यक्ष मदन सेन बडायकले समाजिक दुरी कायम गर्दै नेपाल सरकारले गरेको लकडाउनको पुर्ण रुपमा पालना गर्न सम्पूर्ण गाउँवासीमा अनुरोध गर्नुभएको छ।