मंगलबारे, १८ मंसिरः इलाम नगरपालिका कोरोनाको उच्च जोखिमा परेको भन्दै नगरपालिकाले १९ गते देखी २४ गतेसम्म अत्यावश्यक सेवा बाहेकका सेवा बन्द गराउन कोभिड १९ संकट ब्यवस्थापन केन्द्र इलामलाई अनुरोध गरेको छ । नगर कार्यपालिकाको आज बसेको बैठकले सो अनुरोध गरेको हो ।
। जिल्लाको सदरमुकाम समेत रहेको नगर क्षेत्रमा संक्रमितहरुको संख्या बढ्न थालेको छ । बुधबार १५ जनामा कोरोना संक्रमण भएको रिपोर्ट आएको थियो । भने त्यसअघि १४ गते मात्र १८ जनामा कोरोना पोजिटिभ देखिएको थियो । २० जनाको परिक्षण गर्न पठाइएकोमा १५ जनामा संक्रमण देखिएपछि नगरबासी त्रसित भएका छन् । सामाजिक अभियान्ता, स्थानिय राजनितिक दलमा आवद्धहरुले सामाजिक सञ्जाल मार्फत नगरपालिका शिल गर्न भन्दै दवाद दिँदै आएको थियो । त्यसपछि आज नगर कार्यपालिकाको बैठक बसेर नगरभित्र एम्बुलेन्स बाहेकका यातायात सेवा, बैंकिङ सेवा, सरकारी कार्यालय हटबजार बन्द गराउन अनुरोध गरेको हो ।
हालसम्म नगर क्षेत्रबाट परिक्षणका लागि पठाइएको १ हजार ६ सय ६५ जना मध्ये ११७ जनामा संक्रमण देखि सकेको स्वास्थ्य कार्यालयको तथ्यांकमा उल्लेख छ ।
यता कोभिड १९ संकट ब्यवस्थापन केन्द्र इलामका संयोजब तथा प्रमुख जिल्ला अधिकारी तुलसीराम सेडाइँले आफु बाहिर रहेको जानकारी दिनुभयो । उहाँले रासससँग कुरा गर्दै आफुलाई सो जानकारी आएपनि बेलुका सम्ममा यसबारे निर्णय हुने बताउनुभयो ।
0 comments:
Post a Comment